సోమిరెడ్డి.. నీ అవినీతి సొమ్మును సర్వేపల్లి నియోజకవర్గ ప్రజలకు పంచు - కాకాణి డిమాండ్..

The Bullet News (Sarvepalli ) _ మంత్రి సోమిరెడ్డి చంద్రమోహన్ రెడ్డి పై తాను చేస్తున్న పోరాటం ఆపే ప్రసక్తే లేదని వైసీపీ నెల్లూరు జిల్లా అధ్యక్షులు, సర్వేపల్లి ఎమ్మెల్యే కాకాణి గోవర్ధన్ రెడ్డి మరోసారి స్పష్టం చేశారు.. విలేకరులతో మాట్లాడిన ఆయన మంత్రి సోమిరెడ్డి పై మరోసారి ఫైర్ అయ్యారు. సోమిరెడ్డి ఎంత అవినీతిపరులో జిల్లా ప్రజలతో పాటు రాష్ట్ర ప్రజలకు కూడా బాగా తెలుసునన్నారు.. ఇప్పటికైనా సోమిరెడ్డి తన డ్రామాలు కట్టి పెట్టి అక్రమంగా సంపాదించిన సొమ్మును సర్వేపల్లి నియోజకవర్గ ప్రజలకు పంచాలని కాకాణి డిమాండ్ చేశారు.. సోమిరెడ్డిని కోర్టులో దోషిగా నిలబెట్టడమే తన లక్ష్యమన్నారు.. అవినీతి అక్రమాలకు పాల్పడుతున్న సోమిరెడ్డికి రాజకీయాల్లో కొనసాగే అర్హత లేదన్నారు. సోమిరెడ్డి అవినీతి బాగోతం తెలియని కొన్ని పిల్లకాకులు నోటికి వచ్చినట్లు వాగుతున్నాయని విమర్శించారు..తాను ఎలాంటి వాడినో జిల్లా ప్రజలందరికి తెలుసునని ఆయన వెల్లడించారు..